ബംഗളൂരു: അംബിക നഴ്സിംഗ് ആൻഡ് അലൈഡ് ഹെൽത്ത് ഇൻസ്റ്റിറ്റ്യൂഷൻസ് 28-ാം വാർഷികാഘോഷവും 24-മത് ബിരുദദാന ചടങ്ങും അംബിക കാമ്പസിലെ ആംഫി തിയറ്ററിൽ നടന്നു. കോളജ് ചെയർമാൻ സൗന്ദര്യ രമേശ് ഉദ്ഘാടനം ചെയ്തു.
സിഇഒ ജിതിൻ കെ. ജോസ് അധ്യക്ഷത വഹിച്ചു. നഴ്സിംഗ്, അലൈഡ് ഹെൽത്ത് വിഭാഗങ്ങളിലെ വിദ്യാർഥികൾക്കു ബിരുദവും ഡിപ്ലോമയും സമ്മാനിച്ചു. രാജീവ് ഗാന്ധി യൂണിവേഴ്സിറ്റി ഓഫ് ഹെൽത്ത് സയൻസസിൽ റാങ്ക് നേടിയ അംബിക കോളജ് ഓഫ് നഴ്സിംഗ് വിദ്യാർഥികളെ രക്ഷിതാക്കളുടെ സാന്നിധ്യത്തിൽ ആദരിച്ചു.
വിദ്യാർഥികളുടെ കലാപരിപാടികളും അരങ്ങേറി. അക്കാദമിക്, കലാ-കായിക രംഗങ്ങളിൽ മികവ് തെളിയിച്ച വിദ്യാർഥികളെ സമ്മാനങ്ങൾ നൽകി അനുമോദിച്ചു.
ആരോഗ്യമേഖലയിൽ ആത്മാർഥതയോടും കരുണയോടും കൂടി സേവനം ചെയ്യണമെന്ന് ബിരുദധാരികളോട് ആഹ്വാനം ചെയ്തു.ബോർഡ് മെംബർ ദേവിക രമേശ്, ഡയറക്ടർ റീന ജോസ്, അഡ്മിനിസ്ട്രേറ്റർ ജാസ്മിൻ കെ. ജോസ്, പ്രിൻസിപ്പൽ ആർ.ഹേമരാജു, ഡിഗ്രി കോളജ് പ്രിൻസിപ്പൽ എൻ.മേഘ, അധ്യാപകർ, അനധ്യാപക ജീവനക്കാർ, വിദ്യാർഥികൾ, രാജ്യത്തിന്റെ വിവിധ ഭാഗങ്ങളിൽനിന്നുള്ള രക്ഷിതാക്കളും ബന്ധുക്കളും പങ്കെടുത്തു.
Deepika
E-paper LOGIN
LOGIN
